2019-йилда Қирғизистонда 1 миллион 778,9 минг киши дам олган. Бу 2018- йилга нисбатан 28,9 фоизга кўпдир. Уларнинг 809,6 минг нафари ташкиллаштирилган туризм соҳасида дам олган. Бу ҳақда Миллий статистика қўмитаси хабар бермоқда.
Туристларга хизмат кўрсатишнинг аксарияти Иссиқкўл вилоятига тўғри келади. Ушбу вилоят 2019-йилда 1753 жой меҳмонларни қабул қилган (меҳмон уйларини ҳисобга олган ҳолда).
Вилоятдаги ташкиллашган туризм соҳасида 318,6 минг киши, ташкиллашмаган секторда (меҳмон уйлари, хусусий уйлар) 969,3 минг киши дам олган.
